تجربة اتكلم واسمع انجليزى من البيت

انا فلان الفلانى خريج كلية تجارة و خريج مدرسة ثانوى عربى عادى ... يعنى الانجليزى بتاعى كان زباله كالمعتاد.

انا عايز أقول حاجة مهمة ان الناس مستصعبة الانجليزى جدا ومش عارفة تعمل ايه وبياخدوا كورسات وبرضه مش نافع  وشايفين انه حاجة مستحيلة.

انا عاوز احكى قصتى مع الانجليزى يمكن تكون مفيدة للناس  .

انا بدأت عادى جدا ماكونتش بعرف أقول جملة مفيدة بالانجليزى وطبعا ماكنش معايا فلوس اخد كورسات.

اللى حصل انى كل اللى كونت اعرفه منهج اعدادى وثانوى ... جيبته وقريبت الجرامر ومسكت كل حتة في الجرامر وبقيت احل عليها تمارين  جيم وتيتشر وكتب المدرسة ......فى خلال شهر كونت مذاكر الجرامر بتاع الانجليزى او بمعنى اصح مراجعه

بعد كده دخلت على شات كتابة مع ناس من بره .... كونت مش بدور على ناس من أمريكا لان هيتخنقوا من الانجليزى بتاعى اكمنه ضعيف  بقيت ادور على ناس من اوربا ...بولندا  اشوف لو بيتكلموا انجليزى  أتكلم معاهم ..وكنت بفتح قاموس اسمه جولدن الوافى دلوقتى ممكن تستخدم جوجل ترجمة 

الشات كان بيدينى فرصة افكر ازاى أكون جملة قبل ما اكتبها .. وكان بيدنى فرصة اترجم اى كلمة صعبة حد قلها ... وماكونتش بعمل شات بصوت لانى عارف ان الناس اللى مش امريكان لهجتهم مش كويسه في نفس الوقت كنت بعمل حاجة مهمة جدا يمكن دى كانت اهم حاجة ساعدتنى

كنت لازم مرة في الأسبوع اتفرج على الأقل على اربع أفلام اجنبى ... ده على الأقل جدا .. أوقات الصيف ممكن اتفرج على فليمين في اليوم كنت بجيب الأفلام من النت وانزلها ترجمة  انجليزى ( الترجمة معمولة للصم )

كونت فاتح الفيلم والترجمة ....سامع الكلمة وقاريها ..والكلمة اللى معرفهاش اترجمهاعلى جوجل

كنت اكرر ورا الممثلين وهما بيتكلموا لحد اما الاكسنت بتاعتى بقت تقريبا امريكى بس مش قد كده

لحد دلوقتى ماخدتش ولا كورس  ولا قابلت حد اجنبى في حياتى قعدت حوالى سنة اتفرج على أفلام بالطريقة دى

بعدين قدمت في كورس القوات المسلحة  عملت اختبار تحديد مستوى  هما كانوا 12 مستوى و8 محادثة لقيت مستوايا يدخل 6 محادثة انا نفسي اتفاجئت دخلت اخدت 6 و7 و8 وخلصت وكنت برضة لسه شغال عالافلام

بعد كده عرفت الكورسات اللى في جمعية انوار رسالة حضرتها كلها والكورسات اللى فيها امريكان

وعشان الانجليزى بتاعى تريبا احس واحد في الكورسات لانى كنت شغال عليه لمده سنتين تقريبا كل الامريكان اللى كانوا بيدوا الكورسات عرفونى وبقوا يخرجوا معايا

ولما سافروا ورجعوا تانى هما نفسهم كلمونى قاللو لىاحنا جينا مصر عاوزين نشوفك بعد كده كان لازم يبقى في حاجة اعملها عشان الانجليزى ياخد وضعه الطبيعى  ..... قدمت في الكزل سنتر  عملت انترفيو واتقبلت

اول شهرين كونت مش فاهم أصلا الناس بتقول ايه ..او  الناس مصريين بس اللى كان عايش طول عمره في أمريكا واللى خريج مدرسة انجليزى واللى ما بيعرفش يكتب ولا يقرا عربى أصلا فكانت اللغة الرسمية الانجليزى

بعد شهرين العذاب دول بقيت القط كتير قوى كان عبارة عن مستنقع انجليزى اشتغلت بضعفالمرتب اللى كنت اتخيله  وفضلت هناك فترة وسبت الشركة واشتغلت في شركة تانية

دلوقتى الحمد لله تقريبا اقدر أقول انى بتكلم انجلييزى كويسواللهجة بتاعتى بقت كويسة جدا

اه ناقصنى شوية ...... ناقصنى كتير الحقيقة  بس الحاجز المصرى اللى عند كل الناس اتكسر

انا بس كونت عايز أقول ان الانجليزى مش كورسات وبس ومش بس تعرف على أجانب

اى فيام اجنبى ةلا مسلسل جواه 50 بنى ادم امريكى بيتكلم ممكن تستغل ده

الراديوا انا كونت بسمع مثلا نايل اف ام كتير ... دى إذاعة كلها انجليزى  فيها برامج رغى واغانى انا كنت بسمع البرامج  لكن الاغانى ماكنتشبفهمها مش فاهم مش مشكلة بعد شوية بقيت افهم

الخلاصة من كل الموضوع مش عارف تاخد كورسات او مش لاقى أجانب تتكلم معاهم  مش مشكله خالص ... تقدر تعمل كل حاجة من بيتك ......

تصنيف : اللغات