جورجيا بتوزع تأشيرات

كنت بتفرج على باسم يوسف وقاعد اضحك واكركر لكن قطع اندماجى مع البرنامج لما رن جرس التلفون في وقت مش وقته

:الو مين

: ايوة انا امين
:خير في جديد يا صاحبى

:انت ما عرفتش

:عرفت ايه؟

:ماعرفتش انا جورجيا بتوزع تأشيرات

:انت بتقول ايه ازاى ؟وبعدين مين جورجيا دى ولا عمرنا سمعنا عنها ولا حتى في طبق اليوم وبعدين بتوزع تأشيرات ليه ؟

:اصل عندهم نقص في الناس وعايزين بشر !!! ها ها ها ها ها

المهم انا مكدبتش خبر نزلت سألت ودورت على النت وعرفت بعض المعلومات

أولا شوية معلومات عن جورجيا من ويكيبديا

1-    تطمح جورجيا للانضمام إلى الاتحاد الأوروبي والناتو. تخضع التزامات جورجيا الدولية للمراقبة وفقا للجنة   U.S.Helsinkiكونها عضو مشارك في منظمة الأمن والتعاون في أوروبا.

2-     أعلنت جورجيا استقلالها1991.  بعد انهيار الاتحاد السوفياتي

3-    العلاقات بين روسيا وجورجيا شائكة منذ تفكك الاتحاد السوفيتي وشهد العام 2008 نزاعاً عسكرياً بين جورجيا ، وروسيا و قصفت قاعدة قوات حفظ السلام الروسية المتمركزة في جورجيا

4-    تعيش جورجيا صيفاُ رطباً معتدلاً، وشتاء مثلجاً وتتميز بهطول الأمطار الغزيرة في الخريف والربيع

5-    وفقل لتقارير عام 2006 فإن نسبة 34٪ من السكان تعيش تحت خط الفقر مع ذلك جورجيا واحدة من أسرع اقتصادات شرق أوروبا نمواً معدل البطالة مرتفع في البلاد (12.6 ٪)

6-    يعتنق معظم السكان اليوم المسيحية الأرثوذكسية من الكنيسة الأرثوذكسية الجورجية (81.9 ٪). تشمل الأقليات الدينية: الإسلام (9.9 ٪)، الأرمنية الرسولية (3.9 ٪)، الكنيسة الأرثوذكسية الروسية (2.0 ٪)، كاثوليك (0.8 %)

ثانيا  ايه موضع التأشيرات اللى بتتوزع من السفارة اللى عنونها 11 ش طنطا ميدان اسوان المهندسين, الجيزة

موقع السفارة http://goo.gl/AihMg

رحت دورت على حد قدم على التأشيرة وفعلا قابلت واحد اسمه سامح وكان كلامه كالتالى :

انا لما سمعت ان الـتأشير بتاعة جورجيا ممكن تاخدها بمنتهى السهولة مكنش مصدق لكن لما قدمت وعرفت فصدقت
طيب عملت ايه ؟

اول حاجة لازم تحط مبلغ بالبنك عشان تعمل عليه كشف حساب بنكى لمدة لاتقل عن ثلاثة شهور (المبلغ لايقل عن 25 الف جنيه ) استلفهم بقى من خالك وابقى رجعهم تانى او من واحد زميلك  ..... بعدين  بتحط مبلغ  50 دولار ببنك CIB Bank على حساب Account N53-6030010-6  وبتاخد إيصال دفع ......والحكاية دى عشان تملى الابلكيشن ولاجراء المقابلة

جميع التفاصيل و موقع السفارة بمواعيد العمل والأوراق المطلوبةلاستخراج تأشيرة والابلكيشن من هنا 

رحت السفارة وكانت الدنيا هادية خالص........ اعتقد دلوقتى ان السفارة بقت زحمة  اكتر من طوابير الاستتفتاء بعد ما الموضوع انتشر ......  المهم خبطت على الباب فتحولى ودخلت وكنت متوقع انى هقابل حد من أعضاء السفارة ومقابلة وجو رعب  لكن الغريب انى قدمت الورق اللى مطلوب والابلكيشن  طلبوا منى البطاقة  وبعدها بساعتين كانت التأشيرة في ايدى و هسافر اشوف الوضع والحياة هناك لو عجبنى مش هرجع البلد دى تانى 

انا الفار لعب في عبى  ليه الموضوع بمنتهى السهولة كدة؟؟؟؟؟؟

دورت تانى على النت وشوفت بعض الصفح على الفيس  واللى ممكن تتواصل مع ناس سافرت بالفعل لجورجيا 

 https://www.facebook.com/Arabia.georgia

https://www.facebook.com/STUDYINBELARUSS

http://goo.gl/BHy3j

وعشان اقطع الشك باليقين  سألت الادمن بتاع الصفحة  عن الوضع في جورجيا وعرفت ان  في الوقت الحاضر تسعي جورجيا للانضمام لحلف الناتو (تحالف بين أمريكا ودول اوربية للدفاع المشترك بين الدول الأعضاء وحمايتها من خلال القوة العسكرية ضد  وحدة القوات السوفياتية)
جورجيا ضمن الدول التي ستدخل الاتحاد الاوروبي لكن ذلك ما زال بعيد المدى البعض يتسأل ان اخذ فيزا جورجيا هل يمكنه السفر الى اوروبا الجواب هو لا و حتى من ياخذ الاقامة لا يحق له دخول الدول الاوروبية من دون فيزا ولكن انتشرت إشاعة ان جورجيا هتشترك في الاتحاد الاوربى العام القادم

من السهل اليومين دول تاخد قروض وتبتدى مشروعك والحكومة الجورجية  بتساعد شباب المهاجرين عشان يبتدوا حياتهم الجديدة في البلد وبتوفر جميع سبل تنفيذ المشاريع

بالنسبة لموضوع المعادلة لاصحاب الشهادات زى الصيدلة والطب والهندسة لابد من المعادلة و الامتحان باللغة الجورجية

 طيب انا لسه مش مطمن والموضوع محتاج تفكير  على العموم انا على اتصال بسامح عشان اشوف الوضع 

تصنيف : الاحداث