اشارك ولا مشاركش فى الاستفتاء على الدستور

امبارح كنت بسمع برنامج بيتكلم عن مجموعة من القوانين الامريكية المنظمة لحياة  المهاجريين الجدد ومختصة فقط بجانب السكن والعلاج لهم زى قوانين SSI و  MSI  

قد ايه مستوى الإنسانية في نص القوانين وطريقه تفعلها وعملها ولأنها اخدت في الاعتبار جميع أنواع المهاجرين الجدد وسنهم وطبيعتهم وكمان عملت حساب ان المهاجرين الجدد بيبقوا زى التايهين وأكيد عايزين يبتدوا حياه جديدة واكيد اى مهاجر بيدور على شغل وسكن وتأمين وحياه كريمة جديدة كل الحاجات دى معمول حسبها في القوانين دى

لكن من اللى فهمته ان اهم حاجة عشان تكون مواطن امريكى محترم ان زى ما القوانين دى اعطتك كامل حقوقك الإنسانية وكل حقك وبزيادة كمان لازم انت تحترم القوانين دى وتسيبك من الفهلوة المصرية والاستعباط الشرق اوسطى

نيجى بقى للقرف اللى احنا فيه وبمنسبة الاستفتاء على الدستور الجديد اللى عندنا واذا كنت من واحد من من الناس اللى قرفانين انهم يقولوا نعم اوحتى لا لان الوضع في الحالتين هيبقى زفت ولانى عهدت نفسى مش هتكلم في السياسة على المدنة

لكن كان لازم استغل الوضع لصالحى واستفيد منه على قد ما اقدر

اعمل ايه يعنى؟

طبعا انت متخيل انى مقاطع الاستفتاء !!!!!!!!

بالعكس ده انا مش بس هشارك ده انا مشترك في حزب ( وهتعرف ايه أهمية الاشتراك في حزب في موضوع لاحق) ومن الحزب ده تاخد توكيل انك تبقى مندوب ومراقب على الاستفتاء او نائب عن حزب في المراقبة على الاستفتاء في لجنتك ده في حالة لو كان في اشراف قضائى وتأمين لللجان

طيب ده هيفيدنى بايه يا عم الحج ؟؟؟؟؟؟؟؟؟

-         أولا لان بعض المنح المقدمة من اوربا او أمريكا بتكون مشترطة انك تكون  مواطن شاركت في العمل السياسي مواطن active  في بلدك وليك مشاركات إيجابية وشاركت في حملات توعية زى المنح اللى في قسم المنح وكمان تبقى مفيدة قوى لو انت كتبتها في ال C.V  بتاعك

-         ثانيا لان بعض الدول الاوربية والأمريكية لما بتشوفك مواطن فعال او ناشط سياسي وليك حساب على تويتر وبتتفاعل مع أبناء بلدك  بيقي ده سبب انك تسافر وتهاجر  بطريقة اسرع واسهل زى اسرءعبد الفتاح واحمد حرارة

اذا كنت فاكر ان الطريق سهل او مجرد ضربة حظ  ......... انسي

فكك من الجو ده الطريق الصراحة صعب محتاج مجهود منك

تصنيف : الاحداث