تعديل

الاثنين، 18 مارس 2013

سامح رجع من جورجيا يا جدعان

سامح رجع من جورجيا يا جدعان 

كنت بدت معكم حكاية جورجيا والسفر الى جوجيا و بعض معلومات عن البلد هناك
وطبيعة البلد وهل انا شخص مناسب للسفر للبلد دى ؟ وهل دى بلد كويسة عشان الواحد يستقر هناك ويكون حياة كريمة



على سكايب لاقيت رسالة من سامح مكتوب فيها كلمتين بس " انا رجعت مصر "
          - حمد الله على السلامة رجعت امتى ؟
         - من يومين كده
         - طيب ده ان هموت واشوفك !!!! وعايز اعرف انت عملت ايه هناك ورجعت ليه يا معلم ؟
         - اوكيه نتقابل
         - اوكيه
مليون سؤال وسؤال بيلفوا فى دماغى ...... الواد رجع ليه والظروف هناك عاملة أزاى ؟
بس لما رحت انصدمت من المشهد ...... من بعيد سامح  دقنه طويلة  وشكله فى حاله اكتئاب !!!
         - مالك يا ابنى وايه اللى حصل ؟ فى حاجة وحشة حصلت معاك ؟
         - لا ابدا مفيش حاجة .... مفيش اى حاجة
         - طيب مالك زعلان من ايه ؟ انت بتتفرج على سياسية كتير لما رجعت مصر لا سمح الله؟
        - هههه مش بس السياسة اللى تغم النفس فى مصر بص حواليك فى كل حاجة ...... اقول لك ايه بس واحكي لك ايه !! بص على الاكل اللى بناكله والاكل فى جورجيا وبعدين هى المياه اللى بنشربها فى مصر كان طعمها وحش قوى كده حتى قبل ما اسافر ولا هى زبالة كده على طول!!!!!!......  وكمان الهوا  ده انتوا عايشين فى لمؤخذة  تيتتتتتتتت
       - ايه يا عم انت شادد علينا حيلك ولا ايه  احنا بقينا خلاص متعودين على الحياه دى
       - يا راجل دى ابسط متطلبات الحياة الكريمة مش موجدة  المياه مقطوعة نصف اليوم والكهربا بتقطع يوميا ولاالمواصلات والامن -حدث ولا حرج- ........ انت بتسمى دى حياة ؟
المهم ملخص الحوار عشان ما اطولش  عليكم
ان سامح راجع مصر فترة صغيرة وراجع تانى جورجيا
طبعا اول سؤال سألته واللى الناس كلها عايزه تعرف تفاصيله ( هو موضوع الهجرة مكلف معاك قد ايه لغاية النهارده)
ملحوظة ( سامح خلص ورق الاقامة فى جورجيا )
* مممممممممممممم تقريبا كده 35 الف جنية ؟؟
- ليه كل ده يا سامح
* لانك زى ما انت عارف عشان تسافر جورجيا وتستقر لازم تبتدى بمشروع استثمارى وده بيكلفك طبعا  ... يعنى انا حاليا ملتزم بأيجار شقة ومحل للمشروع....... ده غير مصاريف السفر وتذاكر الطيران وعمل الـ    ID
- طيب مافيش اى مكان للتوظيف  ؟
* لا طبعا موجود لكن الاولوية لأهل البلد بس
- طيب بالنسبة لأهل البلد النا يعنى ظروفهم ايه ؟
* الناس هناك طيبين قوى واغلبهم مسحيين زى اقباط مصر والطريف ان 70% من الشعب نساء
-  يعنى عايزين يستوردوا رجالة ولا ايه !!!!!!! لا انا بتكلم عن ظروفهم المادية.........  كويسة مثلا عشان لو حبيت افتح هناك كافتيريا  ويبقى فيها زباين من اهل جورجيا ؟
*اولا مشروع الكافتيريا بقى مفقوس قوى لان اغلب المصرين بيفتحوا يا اما كافتيريا او مطعم محل بقالة !!! وكلها مشاريع مفقوسة عشان السياحة مش بتنشط غير فى الصيف وبيقية السنة بيبقى معظم زباينها من المصريين المهاجرين جدد  وموضوع البقالة ده ضعيف عشان معظم الجورجين بيحبوا يعملوا بقالة من السوبر ماركت الكبيرة فلازم تفكر فى حاجة جديدة
ثانيا بقى بالنسبة للشعب هناك فيه طبقتين يا اما غنى قوى او فقير قوى وغالبا  لو انت من الحالة التانية  بيهربوا الى الاتحاد الاروبي وبيشتغلوا هناك اى حاجة حتى لو خدامين
- ده يبقى على كده دى بلد تعبانة وملهاش لزمة
* لا طبعا لانى قلت لك ان فيها طبقة غنية وعايز اقولك ان مستقبل جورجيا باهر جدا واقتصادها هيزدهر خلال فترة  قليلة قوى والذكي هو اللى يلحق ينمى نفسه ويثبت نفسه فىها فى الفترة دى عشان يكون من اوائل الناس المستثمرين فيها قبل ما البلد تلم
- ان سمعت ان جوجيا هتدخل الاتحاد الاروبى ؟
* هيا عايزة تدخل الاتحاد الاروبى  عشان كده هى ابتدت تدور على مستثمرين كبار او صغار من كل بلد يعنى انا لاقيت هناك جنسيات كتير زى هنود وبكستان والصين  وكل ده بفكر رئيس الوزراء المنفتح عشان يحقق نمو اقتصادى خلال فترة قصيرة وهتشوف جورجيا خلال فترة قصيرة هتعمل ايه
- طيب احكي لى عملت ايه هناك؟
احكي لك ايه ولا ايه ؟ الحياة هناك نظيفة  والجو حلو هو صحيح تلج لك من غير تيارات هوا ساقع ترصرص جسمك .... جو تحفة وهوا كريم  والناس محترمة بتحترم بعض وبيتعاملوا بمنتهى الاخلاق والانسانية ........ ولا الشوارع ونظفتها  وجمالها والمواصلات عايز اقولك ان بتذكرة واحدة ممكن تركب مترو او اتوبيس او حتي تلفريك
سامح خلص حواره معايا لكن اخر حاجة قالها ليا اوعى اوعى اوعى تثق فى اى مصري هناك لان  اكتر النصابين من المصريين وعادة بينصبوا على المصريين المهاجرين الجدد
بعض الصفحات الجديدة
http://goo.gl/at4b5
http://goo.gl/PtM2f
 

5 التعليقات:

هو انت ياباشا مهاجر ولا مسافر فين ياريت يبقى في تواصل لاني محتاج اعرف شويه معلومات ولو عندك رقم تلوفن اكتبهولي ويسعدني اني اتواصل معاك

حد يثولنا على رقم تليفون او مكتب الواحد يتواصل معاه

انا مش مهاجر بس نفسي اهاجر واسيب البلد دي اللي معدش فيها امل
يمكنك التواصل عن طريق التعليقات او المراسلة علي البريد الالكتروني

طيب ايه الموضوع كده بيلعب في دماغي... طيب هو التقديم يعني بيبقى هجرة ولا بيبقى ايه؟؟ و تاني حاجة لازم اتعلم اللغة هناك. طيب ايه التكلفة و اللغة سهلة ولا ايه؟ و كمان فيه مشكلة للمسلمين يعني بتبقى اصعب من المسيحيين ولا ايه؟ "انا مش Racist" بس بسأل عشان اعرف الدنيا بتمشي ازاي...

انا عاوز اهاجر و بدور على بلد كويسة نهاجر ليها بس مش صعبة زي امريكا و كندا و استراليا و كده...

إرسال تعليق

Twitter Delicious Facebook Digg Stumbleupon Favorites More