انت جزء من حل المشكلة

.

طبعا الأغلبية من الشباب بيعانى من موضع البطالة واذا كنت بتسعى الى الهجرة فالمشكلة اكبر من حيث التمويل والمصاريف

اوكيه احب اذكر كلمة للدكتور إبراهيم الفقى الله يرحمه (كون انت جزء من حل المشكلة ) يعنى ايه؟

يعنى من الاخر اشتغل أي حاجة دلوقتى لحد ماتلاقى فرصة وتهاجر

واعتبر ان الشغلانة دى مش اكتر من مصدر تمويل او مجرد حل قصير المدى لمشكلة طويلة المدى

فيه بعض الوظايف مش محتاجة تثبيت و الشغلانة المشهورة هى خدمة العملاء فى شركات المحمول, أو أى شغلانة تانية لو لقيت أجرها مناسب ليك

                طيب ايه اللى ممكن يتعمل عشان اقدر اهاجر اسرع ؟

بالنسبة لو انت لسه متخرج جديد حلو كده ومستنى الجيش

-                     اول حاجة لازم موضع اللغة لازم تتعلم لغة مش عشان تتدخل بيها امتحان لا عشان دى اللغة اللى هتكمل بيقة حياتك  ويسلام بقى لو خلصت شهادة التويفل يبقى عديت نص المشوار

-                     لازم تكون اشتغلت فى انشطة طلابية و جمعيات خيرية, لسه قدامك فرصة تقدم فيهم دى مهمة جدا او تشترك في أنشطة مكتبية وتدخل معارض كتير عن اى شئ !!!!! ايوة معارض كتير  وتسجل في كل نشاط حتى لو مش هتشارك فيها  واحنا هنتكلم كتير عن المعارض زى معارض توظيف او معارض اعمال منزلية حتى لو معرض تلفزيونات دوس فيها    ويسلام بقى والموضوع يطور وتكون من المنظمين

-                     تتعلم مهارات جديدة هتفيدك فى الحياة عموما ( presentation skills , communication skills , ….  ) والحاجات دى ممكن تلاقيه ببلاش في مركز زدنى أيام الجمعة والسبت بجامع رابعة العدوية

-                     ممكن تتعلم برامج  او لغات برمجة من النت ممكن تحتاجها ....... حاجة ببلاش كده  او تتعلم حرفة جديدة ( تعرف ان أصحاب الحرف مرتبهم اكتر من خريجى الكليات العليا......... الكلام ده بره مصر طبعا )

-                     عملت CV  ولا لسه ؟؟ لو انت بتفكر في الهجره هتلاقى نفسك عملت 100 CV  ليه؟ عشان هتلاقى منح كتير عن مواضيع مختلفة وهتضطر تعمل لكل منحة CV  دى غير الcv  لزوم الشغل بمصر 

-                     أخيرا لازم تبطل ادمان الفيس بوك لو الحاجة دى صعبة ان شاء الله هنعمل موضع عن الفيس وازاى تقضى وقت قليل قوى بفايدة كبيرة

تصنيف : تنمية بشرية