تعديل

السبت، 29 ديسمبر 2012

ألمانيا حلم الصفوة الجزء الاول


كنت في الكورنيش  والجو خريف والمكان مش زحمة قوى ومن قدماك البحر يا معلم  وخلفك صوت العربيات المسرعة تحسسك انها بتخترق حاجز الصوت  .... المهم وانا بستمتع بصوت الموج اتفجئت  بصوت بينادى عليا بصيت  ...... مين ........ بشمهندس خالد!!!!
(  بشمهندس خالد كان واحد من اصدقائى الثانوية  وصديق العيلة...... من فترة ما شفتهوش  اتخرج من هندسة 2010 والمفروض انه كان يحضر للماجستير أويسافر ألمانيا في بعثة او منحة لانه من صغره وهو متفوق  لكن الجيش حطم أحلامه على صخرة الواقع )
انا بتكلم عن البشمهندس خالد عشان حلمه الكبير انه يطلع من مصر متخذ نفس المنهج بتاعى في الهجرة من مصر وعمل خطة محكمة وواقعية ومحددة بوقت للسفر الى ألمانيا تعالى نشوف هو بيعمل ايه؟
بعد ترحيب وسلامات اتكلمنا عن كل واحد وبيعمل ايه في حياته المهم عرفت منه اول خطوة للسفر الى ألمانيا ..... طبعا لازم تكون عارف لغة البلد   ..اكيد .... طيب ايه احسن مكان تتعلم منه ألمانى ؟ مش بس كده... يكون مصدر موثوق منه ومن امتحانته المعتمدة من السفارة الألمانية  ؟


مركز جوته الالمانى  !!!! وده عنوانه
١٣ شارع حسين واصف ، ميدان المساحة – الدقي
قسم دراسة اللغة وقسم التعاون التربوي التعليمي للألمانية

اضغط هنا لمعرفة وسائل الاتصال بالمركز 

اضغط هنا عشان تعرف مواعيد وأسعار الكورسات
مش بس مركز تعليم ألمانى لكنه مركز ثقافي و يقدم معلومات عن الحياة الثقافية و الاجتماعية و السياسية في ألمانيا. غير ان اللى هيروح المركز هيستفيد كتير جدا فوق ما يتصور من الأنشطة الثقافية 

 كمان المركز بعد الدراسة فيه لمدة سنة  بيعطى لك خطاب توصية  لو انت عايز تكمل دراسة في  جامعة ألمانية ده لو انت طالب ملتزم ومتفوق عندهم.......  جامد مش كده؟؟؟ وكمان ممكن تقابل ناس وتتكلم معاهم عشان تقدر تمارس الالمانى  كمحادثة وتعرف عن الحياة في ألمانيا شكلها ازاى واسرار كتير مش هتعرفها الا لما تروح هناك

نستكمل في موضوع تانى عن الحياة في ألمانيا والدراسة والعمل

الخميس، 27 ديسمبر 2012

معلومات عن جورجيا


نستكمل موضوع جورجيا وبعض المعلومات اللى جمعتها من الصفح على الفيس لبعض الجاليات اللى عايشة في جورجيا

1 جورجيا تنطق ال(ج) غير معطشة زى كلمة جمال  وليس مثل كلمة جورج   ده النطق الرسمي للناس هناك  اعتقد عشان في ولاية أمريكية اسمها جورجيا لكن ب(ج) معطشة 

2 الفيزا الجورجيا صالحة لمدة ثلاث شهور من تاريخ دخولكم جورجيا وهى صالحة لدخول جورجيا فقط و لا يمكنكم الدخول الى دول الاتحاد الأوروبي و على من يريد التقديم على الاقامة عليه ان يقيم مشروع و يقدم اوراق المشروع مع الاثبات كي يحصل عليها


3 الحكومة الجورجية لا تعطى الاقامة الان الا لاصحاب المشاريع الحقيقية و يكونو بيدفعو الضرائب و مشغلين ناس جورجين عندهم و ده علشان يحصل لابد من مصروفات كثيرة جدا فى الاول لحد مالمشروع يشتغل و ينتج زى اى مشروع بتعمله فى بلدك لازم طولة بال و يكون عندك خبرة فى الى عاوز تعمله و الباقى على ربنا

4  جورجيا بلد يحتاج اقتصادها الى استثمارات خارجية كبيرة لتساعدها فى النمو لذلك فهى فرصة للمستثمرين فقط فهى الان تاخذ من القادم اليها الكثير و لا تعطى اى احد اية مساعدات من اى نوع - فهى غير امريكا مثلا يمكن العمل عند اى حد لا توجد اى فرص عمل تماما لغير الجورجين الذين يعانون من بطالة كبيرة و اغلبهم فقراء فهم عندهم املاك و اراضى كثيرة لكنهم لا يملكون السيولة النقدية يجب على الجميع مراجعة حساباته جيدا علشان محدش يخسر فلوسه على الفاضى المصروفات في جورجيا مرتفعة جدا

5 الاسرة المكونة من 4 افراد و فيهم حد فى مدارس تحتاج حوالى 2000 دولار لتعيش حياة كريمة - او 1500 بدون مدارس المدارس الجورجية رخيصة لكن يجب اجادة اللغة الجورجية
 
6 اغرب حاجة ان اى حد معاه فيزا امريكا او شنجن سارية او اقامة فى دول الخليج يمكنة دخول جورجيا بدون تأشيرة

http://goo.gl/o5uB1
http://goo.gl/IbPm3

الأربعاء، 26 ديسمبر 2012

100 طريقة لتحفيز نفسك رقم (2)


احب اكمل موضوع التحفيز الذاتي  والعنصر رقم ( 6)  خطط لعملك بدقة
وانا بقرا الحتة دى حسيت انها موجهة الى المصريين اللى  قرفانين من البلد وعيشتها
مقولة ل "نابليون هيل " ماعرفش مين هو لكنه قال : ان هذا هو افضل وقت تتعلم فيه قاعدة من أكثر قواعد الحياة روعة : إن أفضل قاعدة للتغلب على الأحزان والصدمات هي تحويل هذه الإحباطات العاطفية من خلال التخطيط الواضح والدقيق للعمل فبمجرد أن تتضح لك صورة ما تريده يكون التخطيط الدقيق للعمل هو الخطوة التالية على الطريق ساعة من التخطيط وتوفر ثلاث ساعات من التنفيذ ومع هذا نجد أن معظمنا يشعر أنه ليس لدية وقت لساعة لتخطيط هذه ، فنشغل أنفسنا بالتخلص من مشاكل الأمس  والتي نتجت عن قصور التخطيط ) ساعة التخطيط هي أكثرالساعات إنتاجا ) فالتخطيط الدقيق للعمل سيحفزك على أن تفعل أكثر وتقلق أقل 


الكلام ده بيفكرنى لما يكون الكهربا والميه مقطوعة بتبقى فرصة ممتازة للتخطيط والتفكير .. اجيب كوباية الشاي واقف في البلكونة بالفنلة الحملات او من غيرها  ... محدش شايف حاجة بقى........ وأدى نفسى فرصة للتفكير والتخطيط واسأل نفسي....  يا نفسي عملتى ايه النهاردة  عشان أقرب المسافة للهجرة؟؟؟؟ طيب انا المفروض أعمل ايه كمان؟؟ وأيه الخطوة الجاية  الصراحة بتبقى فرصة هايلة للتأمل والتخطيط.
مش عايز احكى لكم لما بقف في طابور العيش ( عفوا ده مش طابور ده فرصة للممارسة اليوجا )

السبت، 22 ديسمبر 2012

100 طريقة لتحفيز نفسك


مرة وانا راجع من الشغل في طريقى الى البيت والطريق كان طويل وزحمة بس كانت فرصة للتفكير والتأمل  في الأسئلة بتاعة المنحة اللى انا بكتب في بيانتها لكنى كنت تعبان و مكسل قوى لكن لما رجعت البيت وقلبت في الكمبيوتر لقيت كتاب اسمه فن التحفيز الذاتي Self-motivation كنت نزلته من فترة وقريته ونسيته .... الصراحه لقيتها فرصة حلوة لما اقراه تانى عشان اتشجع واكمل   وكمان أشارك بعض الخطوط العريضة مع متابعين المدونة
·                       التحفيز  الذاتي يقصد به شحن وتقوية مشاعرك وأحاسيسك الداخلية التي تقودك إلى تحقيق أهدافك أو تسهل عليك القيام بها
·       كما يوحي اللفظ ) تحفيز ذاتى( فإنك أنت الذي تقوم بعملية التحفيز ولا يساعدك أحد . وعملية التحفيز الذاتي هي من أقوى عمليات التشجيع لنفسك وتدخل في دائرة برمجة عقلك الباطن 
(يعنى عشان تفهم عقلك الباطن ان مستقبلك مش في البلد دى فغمض عنيك وتخيل ان انت في مكان بتتمانه في البلد اللى انت نفسك تهاجر له  وقول لنفسك انا هنا دلوقتى ححققت هدفى ووصلت له)

طيب ليه وامتى  احفز نفس ؟؟

  • لما تحس بانخفاض طاقتك أو بأن نشاطك البدني أو النفسي قل ولم يعد له الأثر في تحقيق أهدافك .
  • عندما تراودك مشاعر بأنه لا داعي ولا جدوى من تحقيق أهدافك.
  • تحفز نفسك عشان تشجعها لمضاعفة مجهودك والإسراع في تحقيق أهدافك .
  • لما تريد الإقدام على أي خطوة ترى أنها ناجحة ويصاحبك إحساس بعدم قدرتك على القيام بها.

نيجى بقى لعناصر التحفيز الذاتي

 رقم 1 الاعداد والتحضير

يجب أن تكون قد أعددت خطة وحضرت لأهداف استرتيجية لحياتك لأنك تحفز نفسك كي تقوم بخطوات عملية لحقيق أهدافك.
( الحمد لله احنا عارفين الهدف كويس اوى وكمان حضرت لخطة عمليه لتنفيذ الهدف لمعرفة هدف وخطة المدونة اضغط هنا)

 رقم 2 التدريب

يجب أن تتدرب على كيفية تحقيق الأهداف عن طريق تقسيمها إلى أهداف بعيدة المدى وأهداف قريبة المدى . ثم تقوم بتجزئة الأهداف وتوزيعها على سلم زمني حسب الأولويات ثم تقوم بشطب كل هدف أو إنجاز قمت بتحقيقه.  ستركز تحفيزك على هدف محدد في وقت محدد حسب الجدول المعد حول الأهداف . ستتدرب مع التكرار .  كل إنجاز أو هدف تحققه سيحفزك وسيدفعك إلى تحقيق المزيد.

 رقم 3 المتعة و مكافأة

لكي تحفز نفسك للقيام بمجهود ما أو البدء في خطوة محددة عليك بأن تقوم بشيء يجلب المتعة لك ويعطيك قدر من الطاقة والانطلاقة نحو تحقيق هدفك.
( من رايي ممكن تعمل مكافأة كل ما تخلص حاجة جديدة او توصل لهدف جديد زى انا مثلا اتفقت مع نفسى انى اول ما اخلص التويفل بدرجة كويسة هجيب لنفسي لاب توب جديد  وكمان لو خلصت المنحة الجديدة دى بدرى هنزل اجيب الجذمة الجديدة اللى عاجبتنى  (حاسس انى سعيد صالح في العيال كبرت))

             رقم 4 تخيل ان اليوم سيكون اخر يوم ليك على الأرض

الحياة زى ماتش كورة لو اعتقد اللاعب أنه ليس هناك نهاية للماتش فهذا اللاعب ستقل حماسته، وسوف يلعب بتكاسل وبالطبع سينتهي به الأمر إلى عدم إحساس بأي متعه في اللعب، فليست هناك ماتش دون نهاية وإذا لم تكن واعياً بأن لكل شى نهاية  فإنك لم تدرك تماماً هبه الحياة
فهناك كثيرون  يظلون على اعتقادهم بأن مباراة الحياة لا  نهاية لها ولذلك نظل نخطط لفعل أشياء عظيمة في يوم ما نشعر فيه برغبه في الخلود، وذا نعزو أهدافنا وأحلامنا إلى تلك الجزيرة الخيالية في البحر والتي اسميها "جزيرة يوماً ما  ولذلك نجدنا نقول: في يوم ما سنفعل هذا، وفي يوم ما سنفعل ذاك .

 رقم 5 اضغط على كل ازرارك

هل اختلست النظر من قبل في كابينة القيادة لإحدى الطائرات؟ إنه عرض رائع من الأزرار والروافع ومفاتيح التحويل .     تخييل لو استمعت إلى الطيار وهو يقول لمساعدة "قل لي ما هي وظيفة هذه الأزرار؟   إحساس مرعب مش كدة فكلنا نقود حياتنا بهذا الإسلوب دون معرفة كبيرة بالمعدات فنحن لا نتمهل لمعرفة أين أزرارنا أو ماذا يمكن أن تفعل 
لذلك  فلتلزم نفسك بأن تلاحظ كل شيء يضغط على أزرارك. لاحظ كل شيء يثير حماستك ، فهذه لوحة التحكم الخاصة بك، فتلك الأزرار تقوم بتشغيل نظام التحفيز الذاتي بشكل كامل فإذا كان هناك اغانى معينة دائماً ما ترفع من روحة المعنوية فعليك أن تجمع هذه الاغانى في موبيلك اوتجعلها جاهزة للتشغيل في سيارتك واستخدم الأفلام أيضا التي تلهب حماسك
حاول أن تعرف لوحة تحكمك وتعلم كيف تضغط على أزرارك وكلما عرفت أكثر عن أسلوب تشغيلك كلما سهل عليك تحفيز نفسك.

Twitter Delicious Facebook Digg Stumbleupon Favorites More